सितलपुर साँस्कृतिक समिति माडीको आयोजनामा आगामी असोज २३ गते वुधबार बृहत साँस्कृतिक कार्यक्रम सञ्चालन हुने भएको छ ।
माडी–२ को मध्यसितलपुरस्थित आधारभुत विद्यालय देवीस्थान प्राङ्गणमा सञ्चालन हुने उक्त कार्यक्रममा जनगायक जीवन शर्मा, गायक कुशल बेल्वासे, गायिका भूमिका गिरी र मोडल तथा डान्सर बबिता धिताल लगायत स्थानिय कलाकारहरुको विशेष प्रस्तुती रहनेछ ।
नेपालीहरुको महान चाड विजयादशमी, शुभ दिपावली तथा छठ पर्वको अवसर पारी सञ्चालन हुने उक्त कार्यक्रममा भरतपुर महानगरपालिकाको महानगर प्रमुख रेणु दाहालको प्रमुख आतिथ्यता रहने जनाइएको छ । कार्यक्रम साँझ ६ बजेदेखि सुरुहुनेछ ।
Advertisement
