माडी नगरपालिकाले ‘माडी पर्यटन वर्ष’ सहित पर्यटकीय स्थलहरुको प्रवर्द्धनमा जाेड दिएकाे छ । माडी नगरपालिकाको एघारौं नगरसभामा नगरप्रमुख ताराकुमारी काजि महताेद्वारा प्रस्तुत आर्थिक वर्ष २०८० / ०८१ को नीति तथा कार्यक्रमहरूमा माडी पर्यटन वर्षको तयारी गरिने जनाइएकाे हाे ।
साथै, एक वडा एक पर्यटकीय गन्तव्य पहिचान तथा विकास कार्यक्रम सञ्चालन गर्ने, एक वडा एक विशेषता सहितको होमस्टे संचालन तथा प्रबर्धन गर्ने कार्यक्रम संचालन गर्ने जनाइएकाे छ ।
त्यस्तै, सिमरा गाउँलाई थारु संस्कृति झल्कने गरी थारु ग्राम विशेष पर्यटकीय क्षेत्र घोषणा गर्ने, माडीकाे वाल्मिकी आश्रम क्षेत्र, अयोध्याधाम, सोमेश्वर गढी, वैकुण्ठधाम क्षेत्र, गोद्यक क्षेत्र, शनि मन्दिर, बैकुण्ठे ताल, रेवा त्रिवेणी लगायतका ऐतिहासिक धार्मिक एवम् सांस्कृतिक पर्यटकीय स्थलहरुको विस्तृत परियोजना प्रतिवेदन निर्माण गरी एकिकृत विकासका लागि विशेष पहल गरिने जनाइएकाे छ ।
चितवनको प्रमुख पर्यटकीय स्थल सौराहसँग माडी नगरपालिकालाई जोड्ने गरी सिमारा- सौराह परियोजना सिसौ परियोजना सञ्चालनमा ल्याइने लगायतका कार्यक्रमहरू समावेश गरिएकाे छ । #PRD800310
