गरे आखिर के हुँदैन भन्ने गर्बिलो उदाहरण दिएका छन् । खैरहनी ५ सलौली, चितवनका राममणि कंडेलले उनीपनी धन कमाउनको लागि बिदेश नगएका भने होइनन् ।
तर उनलाई एकाएक बिदेश भन्दापनि स्वदेशमा नै काम गर्ने उत्प्रेरणा जाग्यो । दुबई बसाई सकाएर उनी आखिर स्वदेश फर्किए । स्वदेश आए लगत्तै उनले आफैं आइएमई समेत खोले झन्डै पाँच बर्ष काम गरे । तरपनि यत्तिमै उनी सिमित रहेनन् । पछि बिस्तारै उनलाई माछापालनमा रुचि बढ्न थाल्यो ।
सुरुवातमा पाँच जना मिलेर संचालन गरेको सो व्यवसाय अहिले राममणिले मात्र संचालन गरेका छन् । आफूमा आत्मबिश्वास भएर नै आफू यो कर्ममा निरन्तर लागेको कंडेल बताउछन् ।
विभिन्न देश तथा स्वदेशको भ्रमणबाट नै व्यवसाय संचालन गर्ने अभिलाषा राखेका कंडेलले आफ्नो झन्डै चार बिगाहा क्षेत्रफलमा फैलिएको पोखरीमा पर्यटकहरुलाई लोभ्याउनेगरी बस्ने प्रतीक्षालय बनाइएको छ ।
अगाडि होटल सेमिनार हल र छेवैमा स्विमिङ ताल बनाउने उहाँको योजना छ । यो संगै घुम्न आउने आन्तरिक तथा बाह्यपर्यटकका लागि बुटिङको समेत व्यवस्था गरिएको छ ।
करोडौं रकम खर्चिएर निर्माण गर्न लाग्नुभएको संरचनाले बास्तबमा पूर्वी चितवनको पर्यटन क्षेत्रलाई थप टेवा पुग्ने देखिन्छ । निर्माणाधिन उक्त व्यवसायमा हालसम्म तीन जनालाई रोजगारी दिइएको छ । कमन, कार्प, ग्रास, पङ्गास, सिल्भर, रौ, नैनी लगायतका विभिन्न जातका माछाहरु पालिएका छन् ।
कृषि कर्ममा लाग्न चाहने युवाहरुलाई सहुलियत ऋणको व्यवस्था गराउन स्थानीय निकायले खासै चासो नदिएको र आफू खुशी नजिकका मान्छेलाई मात्र कृषिमा पोप्साहन गराएको कंडेलले दुखेसो पोख्नुभयो ।
हालसम्म भरतपुर पशुसेवा बिभागबाट मात्र रु. दश लाख सम्मको मात्र अनुदान पाएको कंडेलले बताउनुभयो । आफू जस्तै युवाहरुलाई स्वदेशमा नै रोजगारी दिन सकिएको खण्डमा बिदेशीनुपर्ने बाध्यताको अन्त्य हुने उहाँको भनाइ छ ।