चितवनमा हरिप्रसाद पाण्डेय चिरपरिचित नाम हो । वि.स. २०२० सालमा बागलुङमा जन्मनुभएका उहाँ आफ्ना बाबुआमाको सानैमा स्वर्गारोहण भएपछि एक्लो हुँदै आउनुभयो ।

त्यसै बखतबाट नै उहाँ धार्मिक क्षेत्रमा आबद्ध हुनुभयो । विभिन्न सामाजिक क्षेत्रसंगै पण्डित कर्ममा आफूलाई समाहित गर्नुभयो । परिवारमा घरमुली बाबाआमाको देहान्त भएपछि घरव्यवहार सानै उमेरदेखि पाण्डेयले सम्हाल्नुपर्यो ।

उमेरले अहिले ६० बर्ष पुग्नुभएका पाण्डेय उहीँ पहिलेको जस्तै जोश र जागर अहिलेपनि देखिन्छ । उहाँले आचार्य सम्मको अध्ययन गर्नुभएको छ । यसै सन्दर्भमा रहेर हाम्रा पारदर्शीकर्मी अजित अधिकारीले भरतपुर ९ शरदपुर निवासी पण्डित हरिप्रसाद पाण्डेयसंग गर्नुभएको संक्षिप्त कुराकानी

यहाँलाई हार्दिक स्वागत छ, पारदर्शी अनलाइनमा ?

धन्यवाद अजित जि !

आराम हुनुहुन्छ ?

आराम छु ।

आजभोलि के काममा व्यस्त हुनुहुन्छ ?

अजित जि ! आफ्नो नित्यकर्म धार्मिक पुजाआजा र विभिन्न सामाजिक संघसंस्थामा आबद्ध रहेको हुँदा प्राय व्यस्त नै छु ।

धार्मिक क्षेत्रमा कसरी जोडिनुभयो ?

अजित जि ! मेरा बुवाआमा बेलैमा स्वर्गारोहण हुनुभयो । बुवाआमा नभएपछि म एक्लो भए । भाइहरु भएपनि जेठोबाठो छोरा भएकाले जिम्मेवारी मलाई नै थपिदै गयो । फेरि मेरो बुवाआमा पनि धार्मिक हुनुहुन्थ्यो । सायद यसकोपनि धेरथोर मलाई प्रभाव परेको थियो । गाउँका भद्रभलादमी सबैले मलाई माया गर्नुहुन्थ्यो । देवघाट, भारतको बनारस सबैतिर गएर पढ्न थालेपछि झन सबैले मलाई पुजाआजा कर्मकाण्डमा बोलाउन थाल्नुभयो । बिस्तारै म यसै कर्ममा नै रमाउन थाले अजित जि ! अहिलेपनि निरन्तर यही कर्ममा छु ।

धार्मिक बिधामा कत्तिको सन्तुष्ट हुनुहुन्छ ?

अजित जि ! म एकदम सन्तुष्ट छु । यो धार्मिक बिधामा किनभने, यो मेरो आफ्नै रुचिको पेशा हो । आफ्नो भित्री मनबाट नै चाहेर लागेको पेशा हरचिज सबैलाई मन पर्छ । म आफूलाई मानव भएर भगवान र पितृको सेवा गर्न पाउदा गौरावान्बित छु ।

समाजले धार्मिक बिधालाई हेर्ने नजर कस्तो छ ?

अजित जि ! समाज त हो । समाजलाई हामीले कस्तो शिक्षा दिएका छौं भन्ने कुरामा भर पर्छ । हाम्रो हेर्ने नजरमा भर पर्छ । तर पहिलेको तुलनामा भन्दा अहिले धार्मिक क्षेत्रलाई हेर्ने नजर राम्रो छ । किनभने, सबै युवा जमातहरुपनि यो क्षेत्रमा अहिले आकर्षित हुनुहुन्छ ।

नेपाली धर्म संस्कृतिको अवस्था अहिले कस्तो छ ?

अजित जि ! तपाईं आफैं पत्रकार धेरै कुरा बुझ्नुभएको छ । सायद मैले धेरै बुझाउन नपर्ला तापनि मैले अघिनै बताइसके सबैको मन बिचार एकै हुँदैन । सबैका आआफ्नै स्वभाव छन् । यही कारण हामीमा दम्भ छ । अरुलाई देखाउनका लागि भएपनि धेरै खर्च गर्ने प्रवृत्ति बढ्दो छ । पश्चिमी शैलीको प्रभावमा परेर हाम्रा धार्मिक मूल्यमान्यताहरु तडकभडक हुने गरेका छन् ।विभिन्न यज्ञ तथा पुजाआजामा धेरै ठूलो आर्थिक चलखेल हुने हुँदा ब्राहमणहरुको अस्तित्व पहिलेभन्दा अहिले फरक देखिदै गएको छ ।

नेपाल आर्मीमा कहिले जागीर खानुभयो ?

मैले नेपाल आर्मीमा वि.स. २०४० सालमा जागीर खाएको हुँ ।

कहिले रिटायर हुनुभयो ?

म २३ बर्ष नेपाल आर्मीमा काम गरेर अबकास लिए ।

नेपाल आर्मीमा के का लागि नियुक्ति हुनुभएको थियो ?

म नेपाल आर्मीमा खास गरेर पुजाआजा कै लागि नियुक्ति भएको हुँ ।

कति थियो त्यो बेलामा नेपाल आर्मीमा सरकारी तलब ?

अजित जि ! त्यो बेला जम्मा नेपाल आर्मीमा सरकारी तलब ९० रुपैयाँ थियो ।

त्यति रकमले घर खर्च चल्थ्यो त ?

अजित जि ! त्यो बेलाको ९० रुपैयाँ अहिलेको १ लाख भन्दा बढी हो । राम्रो जग्गा जमिन आउथ्यो त्यो पैसाले जे होस् जागीरले घरव्यवहार चलाउन खासै गाह्रो भएन ।

कतिसम्म कहाँ गएर पढ्नुभयो ?

मैले आचार्य सम्मको अध्ययन गरें । भारतको बनारस र नेपालको देवघाट आदि ठाउँमा अध्ययन  गरें ।

कुनकुन देश भ्रमणमा जानुभयो ?

म जापान, भारत, पाकिस्तान, दुवै, कतार, कम्बोडिया आदि देशको भ्रमण गरेको छु ।

अन्तमा केही भन्नुहुन्छ ?

मलाई तपाईंको लोकप्रिय संचार माध्यम मार्फत आफ्ना कुरा राख्ने अबसर दिनुभएकोमा म यहाँलाई धन्यवाद दिन्छु ।