मुक्तिराम सुवेदी चितवनमा परिचीत नाम हो । वि.स. २०१७ साल फाल्गुन १८ गते उहाँको कास्कीमा जन्म भएको हो ।

उहाँको वुवाको नाम ऋषिराम सुवेदी र आमाको नाम चन्द्रकला सुवेदी हो । २०३६ सालमा मुक्तिराम सुवेदीले एसएलसी दिनुभयो । उहाँले कमशमा बि.कम  बिएड गर्नुभएको छ ।

उनै सुवेदीसंग उहाँको शैक्षिक र सामाजिक विषयमा गरिएको अन्तर सवाद

यहाँलाई हार्दिक स्वागत छ, पारदर्शी अनलाइन डटकममा ?

धन्यवाद !

आराम हुनुहुन्छ ?

आराम छु ।

दिनहरु कसरी बिताउदै हुनुहुन्छ आजभोलि ?

अधिकांश जीवन मैले शिक्षण पेशामा बिताए । शिक्षण पेशाबाट अबकाश भएपछि अहिले सामाजिक कामहरुमल्ल बढी ब्यस्त छु ।

पहिलेका दिनहरु सम्झदा यहाँलाई कस्तो लाग्छ ?

ती पहिलेका दिनहरु अत्यन्तै रमाइलो र अबिस्मरणिय नै लाग्छ । त्यो बेला अहिलेको जस्तो जमाना थिएन । अहिले बिज्ञान र प्रविधिको युग छ । अहिलेका जस्ता मोबाइल फोन त्यो बेलामा थिएन । घरको काम गरेर दिनभरी जागीर गरिन्थ्यो । जागीर नभएकाहरु घरको काम, खेतीकिसान गर्नुहुन्थ्यो । मेलापात, अर्मपर्म चल्थ्यो त्यो समयका दिनहरु सम्झदा आज कहाली लाग्छ । जे होस् त्यो पुरानो समय झनै रमाइलो थियो ।

यहाँले एसएलसी कति सालमा उत्तीर्ण गर्नुभयो ?

यहाँलाई भन्नुपर्दा मैले एसएलसी ३६ सालमा उत्तीर्ण गरेको हुँ ।

त्यो बेलाको एसएलसी कस्तो थियो ?

त्यो बेला एसएलसी पास गर्न निकै गाह्रो थियो । हाइस्कुलको फलामे ढोका भनेर एसएलसीलाई लिइन्थ्यो । त्यो बेला ९ र १० को पाठ्यपुस्तकबाट प्रश्नोत्तर आउथ्यो । एसएलसी दिदा ९ कक्षाको किताबपनि पढ्नुपर्थ्यो । जसले गर्दा दुबै कक्षाको प्रश्नोत्तर आउने भएकाले याद गर्न निकै गाह्रो हुन्थ्यो । पुरक परिक्षा त्यो बेला थिएन । अझ एसएलसी सुरु नहुँदै टेस्ट परिक्षा हुन्थ्यो कक्षा १० मा त्यो टेस्ट परीक्षा उत्तीर्ण नभएसम्म एसएलसीमा सामेल हुन पाइन्थेन । अनि अहिले जस्तो २ वटा विषय लागेकाले फेरि पुनः परीक्षा दिन त्यो बेलामा पाइन्थेन । त्यसैले अत्यन्तै गाह्रो थियो त्यो बेलामा एसएलसी पास गर्न ।

यहाँ शिक्षण पेशामा कहिलेदेखि आबद्ध हुनुभयो ?

म शिक्षण पेशामा ४२ सालदेखि आबद्ध भए । त्यसैबखतबाट मेरो शिक्षण पेशा सुरु भयो । सुरुमा ४२ सालदेखि ७७ सालसम्म मैले कृष्णनगर माविमा पढाए । ४८ साल असार १८ मा स्थायी भए । ५१ सालमा निमावि द्वितीय अस्थायी बढुवा भए । लिखित ६३ बाट प्रथम श्रेणीमा भए ।

शिक्षा क्षेत्रमा यहाँको आफ्नै यात्राका बारेमा केही छ ?

मेरो शिक्षा क्षेत्रमा आफ्नै बारेमा कुराकानी गर्नुपर्दा मैले पिएन क्याम्पसबाट बिकम गरे । सप्तगण्डकी क्याम्पसबाट बिएड गरे यसैगरी वि.स. २०४४ साल माघबाट प्रधानाध्यापकको जिम्मेवारी लिए । जुन जिम्मेवारी २०४४ देखि ७७ सालसम्म रह्यो । त्यसपछि वि.स. २०५३ साल जेष्ठ २२ गते बाट निमावि द्वितीय तहमा अस्थायी बढुवा भए । २०४८ सालमा आठौं जिल्लास्तरीय प्राथमिक उपचार गोष्ठी भव्यताका साथ सम्पन्न गरियो मेरो पहलमा त्यसपछि जिल्ला शिक्षा कार्यालय चितवनबाट ५७ सालमा २६ औं राष्ट्रिय शिक्षा दिवसमा नगदसहित प्रमाणपत्रबाट सम्मानित हुन पाए । यसैगरी ६० सालमा २९ औं पुरस्कारबाट सम्मानित हुने अबसर मिलेको थियो ।

तपाईं कृष्णनगर माविमा प्रधानाध्यापक भएपश्चात् विद्यालय सुधारमा यहाँको भूमिका कस्तो रह्यो ?

यहाँलाई भन्नुपर्दा म विद्यालयको भौतिक संरचना निर्माणमा निरन्तर लागिरहे । भवन निर्माण, शौचालय, खानेपानीको व्यवस्था गरे । धान्यान्चल लगाएर स्कुल निर्माणका लागि जोड दिइयो । त्यो बेला झन्डै ४० लाख रुपैयाँ धान्यान्चलबाट संकलन भएको थियो । सोही रकमले विद्यालयको विभिन्न सुधारका लागि काम गर्न सहज भयो ।

हाम्रो प्रश्नमा आफ्नो बिचार राखिदिनुभएकोमा यहाँलाई धेरैधेरै धन्यवाद !

हस् यहाँलाईपनि धन्यवाद मलाई आफ्नो बिचार राख्ने अवसर दिनुभएकोमा यहाँलाईपनि धेरै धन्यवाद !